പിഎച്ച്ഡി പ്രവേശനം ഇനി നെറ്റ് സ്കോറിൻ്റെ അടിസ്ഥാനത്തിൽ

• സർവകലാശാലകളിൽ പിഎച്ച്ഡി പ്രവേശനത്തിന് യുജിസി നെറ്റ് പരീക്ഷയിലെ മാർക്ക് മാനദണ്ഡമാക്കിക്കൊണ്ട് യുജിസി ഉത്തരവിറക്കി. 

• 2024-25 അധ്യയനവർഷം മുതൽ ഇത് നടപ്പിലാകും.

• നിലവിൽ വിവിധ സർവകലാശാലകൾ തങ്ങളുടെ പിഎച്ച്ഡി പ്രവേശനത്തിന് പ്രത്യേകം പരീക്ഷകളാണ് നടത്തുന്നത്. ഇത് കാരണം പ്രവേശനം ആഗ്രഹിക്കുന്ന വിദ്യാർഥികൾ വിവിധ പ്രവേശന  പരീക്ഷകൾ എഴുതേണ്ടി വരുന്ന സാഹചര്യമാണുള്ളത്.

• ഈ പരീക്ഷകൾ ഏകീകരിക്കുന്നതിനാണ് ദേശീയ വിദ്യാഭ്യാസ നയത്തിന്‍റെ ഭാഗമായി പിഎച്ച്ഡി പ്രവേശനത്തിന് നെറ്റ് സ്കോർ മാനദണ്ഡമാക്കുന്നതെന്ന് യുജിസി വ്യക്തമാക്കി.

• അടുത്ത ജൂ​ൺ​മു​ത​ൽ മൂ​ന്നു വി​ഭാ​ഗ​ങ്ങ​ളാ​യാ​ണ് നെ​റ്റ് യോ​ഗ്യ​ത നേ​ടാ​നാ​വു​ക. (1) പി​എ​ച്ച്ഡി പ്ര​വേ​ശ​ന​ത്തി​നും ജെആ​ർഎ​ഫി​നും കോ​ള​ജ് അ​ധ്യാ​പ​ക​നാ​കാ​നും യോ​ഗ്യ​ത നേ​ടാം. 

(2) ജെആ​ർഎ​ഫി​ല്ലാ​തെ പി​എ​ച്ച്ഡി പ്ര​വേ​ശ​ന​ത്തി​നും കോ​ള​ജ് അ​ധ്യാ​പ​ക​നാ​കാ​നും യോ​ഗ്യ​ത നേ​ടാം. 

(3) പി​എ​ച്ച്ഡി പ്ര​വേ​ശ​ന​ത്തി​ന് മാ​ത്രമായും ​യോ​ഗ്യ​ത നേടാം. 

• നെ​റ്റ് ഫലം പെ​ർ​​സ​ന്റ​യി​ലായും മാർക്കായും പ്ര​ഖ്യാ​പി​ക്കും. പിഎച്ച്ഡി പ്രവേശനത്തിന് മാർക്ക് ഉപയോഗിക്കാം.

• ജെആ​ർഎ​ഫ് യോ​ഗ്യ​ത നേ​ടി​യ വി​ദ്യാ​ർ​ഥി​ക​ൾ​ക്ക് അ​ഭി​മു​ഖം വ​ഴി​ പി​എ​ച്ച്ഡി​ക്ക് പ്ര​വേ​ശ​നം ന​ൽ​കും. 

• ര​ണ്ടും മൂ​ന്നും വി​ഭാ​ഗ​ത്തി​ൽ പി​എ​ച്ച്ഡി പ്ര​വേ​ശ​ന​ത്തി​ന് നെ​റ്റ് പ​രീ​ക്ഷ​യി​ലെ മാ​ർ​ക്കി​ന് 70 ശ​ത​മാ​ന​വും അ​ഭി​മു​ഖ​ത്തി​ന് 30 ശ​ത​മാ​ന​വും വെ​യ്റ്റേ​ജ് ന​ൽ​കും.

• നെറ്റ് ഫലം പ്രസിദ്ധീകരിച്ച് ഒരു വർഷത്തേക്കാണ് പിഎച്ച്ഡി പ്രവേശനം നേടാൻ മാർക്കിന് കാലാവധിയുണ്ടാകുക.